I love my woman die;
And no be by mouth.
Woman way no dey
Let stew touch my white shirt,
Na why I no go love my woman?
I dey talk of woman way enter my life,
Like danfo drivers for BRT lane.
She Dey turn things around;
From certainty to positivity.
This kele way I dey talk about,
Dey tough die:
She dey make man craze
Before e mad.
Shey na why I no go love my woman?
Achalaugo way no dey love me for funds,
Of course.
I go love my woman die!