Waqt dheere-dheere guzarta gaya.
Ania ne college mein admission le liya.
Ye woh college nahi tha jahan woh padhna chahti thi. Uska sapna engineer banne ka tha, lekin halaat aur ghar ki majbooriyon ne usse apna sapna adhura chhodne par majboor kar diya.
Usne apne Ammi-Baba ki khushi ke liye bina kisi shikayat ke college jana shuru kar diya.
College mein uski mulaqat bahut se naye logon se hui.
Sab uske saath baat karte, haste aur dosti karna chahte the.
Lekin Ania pehle jaisi nahi rahi thi.
Ab woh kam bolti thi...
Kam hasti thi...
Aur sabse zyada apne aap mein rehti thi.
Uske chehre par muskurahat hoti thi...
Lekin dil ke andar sirf dard tha.
Har din...
Har raat...
Usse sirf MJ ki yaad aati.
Woh baar-baar uski chats padhti, uske messages dekhti aur chupke se ro leti.
Usse samajh hi nahi aa raha tha ki aakhir MJ itna badal kaise gaya.
Ek din usne apni sabse kareebi dost Riya ko sab kuch bata diya.
Riya uski har baat khamoshi se sunti rahi.
Riya: "Ania... kab tak aise khud ko takleef dogi? Agar kisi ko tumhari kadar hi nahi hai, to uske liye itna rona kaisa?"
Ania ki aankhon mein aansu aa gaye.
Ania: "Pata nahi Riya... main chaah kar bhi usse bhool nahi pa rahi. Maine pehli baar kisi ko itni shiddat se Allah se maanga tha."
Riya ne uska haath pakda.
Riya: "Jo tumhara hoga, woh kabhi tumse door nahi jayega. Aur jo tumhara nahi hai, uske liye apni zindagi barbaad mat karo."
Ania bas khamosh rahi.
Uske paas Riya ki baaton ka koi jawab nahi tha.
Usne kai baar MJ se baat karne ki koshish ki...
Lekin har baar usse sirf khamoshi mili.
Dheere-dheere Ania ne bhi usse message karna chhod diya.
Ab woh samajh chuki thi...
Mohabbat zabardasti nahi hoti.
Usne faisla kar liya ki ab woh sirf apne Ammi-Baba ke liye jeeyegi.
Pyaar se uska bharosa uth chuka tha.
College ki padhai chalti rahi.
Din mahino mein badalte gaye.
Ania ki tabiyat bhi aksar kharab rehti thi, lekin woh kisi ko kuch batati nahi thi.
Har dard ko apni muskurahat ke peeche chhupa leti.
Usne apne aap se ek vaada kiya—
"Ab kisi se itni mohabbat nahi karungi ki khud ko hi bhool jaun."
Lekin...
Insaan soch kuch aur leta hai...
Aur kismat kuch aur hi likh deti hai.
Ania ko bilkul bhi andaaza nahi tha...
Ki bahut jald uski zindagi mein ek aisa insaan aane wala hai...
Jo uske har zakhm par marham banega.
Jo bina kisi matlab ke usse apnaye ga.
Aur jo usse sikhaega...
Ki sachchi mohabbat sirf paana nahi...
Balki kisi ko uski har kami ke saath apna lena hota hai.
Lekin...
Us insaan se milne se pehle...
Ania ko zindagi ka ek aur imtehaan dena baaki tha.
To Be Continued...