Mai bataungi meri zindagi ki Kahani.
Jo ki dil ko chuu lene wali hai.
Mera janam mere Nana Nani ji k ghar hua tha ek gaon me hua tha.
Jo Yamuna nadi ke pass tha bhut hi hariyali,faslen,khet, sunder phal phool,baag bagiche moar sunder panchi chahkte huye subha sham bhut hi shanti wala gaon tha.
Or vo gaon bhut hi chota sa pyara sa jisme lagbhag 50 ghar bhi mushkil se honge.
Gaon me ek school panchavi kaksha tak ka tha. Main Bachpan Se Hi mere Nana Ji ke gaon mein rahi hun mera sara bachpan vhi per bita h meri maa ne mujhe jaman to de dia tha ye sochkar ki mujhe santaan ke roop me ek beta prapt hoga lekin bhagwan ji ne unko badkismti se mere jaise aulaad de di jo vo chahte hi nhi the.
Kyunki unke pass pehle se hi ek ladki thi yani ki meri badi bahan jo mere se do saal badi h.
Meri maa ne mujhe lagbhag ek saal bhi ache se maa ka dudh nhi pilaya .
Vo mujhe mere Nana Ji k gao me Nana Nani k pass hi chod ker chali gai. Meri Nani mujhe btati h kaise Teri maa tujhe yaha jhule me sota chod ker chali gai thi.
Ye bolker ki mere nhi hoti eski parvarish mere pass pehle se hi ek ladki h mai do do ko nhi sambhal sakti Mere se nhi hoga .
Esko tum log hi rakho .
To phir mai vahi per rehne lagi meri pyari nani ne mujhe pal pos ker bada kia . Vo mujhe katori me chammach se dudh pilaya karti thi mai meri Nani k pass he Soya karti thi . Jabki vah bahut bimar bhi rahti Thi lekin fir bhi Mera khyal rakhti thi.
Or meri Nani ki sabse chotti beti ki abhi shaadi nhi hui thi unhone mera bhut khayal rakha.
Or meri Nani k bade bete yaani mere bade mama ji ne mera bhut khayal rakha.
Bachpan me bhut hi bimar rhti thi mere mama ji mujhe itna struggle ker k dawai dilwa ker late the kyu ki un dino itni suvidhayen nhi thi mushkil se kabhi belgadi mil jati kbhi ghoda gadi mil jati teen tayar wala riksha mil jata Shahar jane me bhut time lag jaya karta tha ghar wapis aa jane k baad meri Nani Massi ji mera khayal rakhti thi dwai deti thi khana pina bhut ache karwati thi. Nani k ghar bhense thi to Nani Nana jyada kaam hone ki wajah se khet me rhte the mere Nani Nani k apne khet the Yamuna k kinare vo waha per hi apni faslen ugaya karte the. Vo khet me hi jayada wayast rhte the Ghar per Aakar gayoon bhaison ka kam karte hain iske dauran Meri chhoti Masi Mera khyal rakhte the. Vah mujhe subah nahla kar taiyar kar deti the. Bilkul Rajkumari ki tarah Banakar rakhte the. Jab Main 3 sal ki hun tab Mera admission gaon ke use chhote se school mein karvaya Gaya Jo ki bahut hi Sundar bahut achcha tha mere school ka naam rajkiy prathmik pathshala tha Main ek sarkari school mein padh rahi hun padhaai mein main jyada acchi nahin thi mujhe shuru Se Hi math Jo bhi pasand nahin Hai. Gaon mein abhi bhi vahi teacher padhaate the jinse mere mausi Mata mama pade hue the main bhi unhin se padhi. Mere adhyapak ka naam Banarasi Lal tha Jo us chhote se school mein sirf ek vahi adhyapak the Jo ek Se panch Tak sabhi kakshaon ko padhaate the. Meri mausi mujhe subah taiyar kar Diya karti thi aur mere Nana ji mujhe Apne kandhon per bithakar School chhodkar aaya karte The vahi mujhe school se laya karte The unke kandho per baith kar Jana bhut acha lgta tha School jaane Dil nahin Karta tha. Jab bhi mere Nana ji ki koi bhi bethi ghar per aati thi mai sabhi ko apni maa samajhti thi kyu ki mujhe nhi PTA tha uss waqt maa hoti kya h sabhi ko apni maa samjhti thi meri Nani mujhe btaya krti thi ye thodi h Teri maa to tujhe chod ker chali gai thi yaha .
Aage ki kahani kal Btaungi.