Mera janm ek chhote se gaon mein hua tha mujhse Badi already do bahan pahle se thi aur mere baad bhi do bahan aur do Bhai janm liye. Lekin maine apne baad ke bhai aur bahano Ko nahi dekha Hai aap jante Hain kyonkyunki Ham sab alag Ho Gaye ab Ham ek dusre ko bhi nahin pahchante hain.
Mujhe to UN sab ka naam bhi nahin pata hai kyunki sabse alag main ho gai mujhe meri choti masi ne rakha me unhe hi "maa" bolti thi me gaon se sidha sahar aa gyi mere Nana ji yaha nokri krte the main or masi Nana ke sath he rehte the.
Kuch time Tak ese he chalta raha meri masi jinhe me maa bolti thi wo mujhe padhane lag gyi fir waha ke sarkari school me mera addmission karwai or wo khud v college krti thi wo khud to ek bacchi thi he or wo ek bacchi ko palti bhi thi "wo bacchi yani main" wo jab bhi clg jati thi mujhe ek didi ke pass chor kr jati thi jab me school nhi krti thi tab wo didi hamare Ghar ke pass he rehti thi.
Wo mujhse bohot pyar karti thi ye to manna padega mujhe Aaj bhi yaad h ki wo kese mujhse meri pasand ki chije puchti thi or ghar me nhi hone ke bawajood mere liye apne bhai ko dukan bhejti thi taki meri pasand ki chije mujhe de paye or pure din wahi mujhe sambhalti thi jab bhi masi maa mujhe unke pass chor kr college jati thi fir 2012 me mere Nana ka retirement ho gya fir wese he chalta raha fir meri masi ka shadi bhi tay ho gya 2015 may 08 ko me bohot roi me apni masi ko bolti thi kuch bhi ho jaye aap mujhe kbhi chor kar nhi jaogi na please maa mujhe chor kar mat jana na fir masi mujhe gale se laga kr aankho me aansu liye bolti h nhi mera baccha tu to meri beti hai na tujhe chor kar kese chali jaungi apni beti ko chor kar koi jata hai kya me jaha jaungi meri beti ko lekar jaungi samjhi.
Lekin jo hona tha wo to ho gya use kon rok sakta hai shadi to ho gyi uske baad kya hona tha fir wahi meri badi masi rehti thi me fir unke yaha rehne lag gyi badi masi or mosa ko me papa mummy bolne lag gyi or unhone hi age mujhe sambhala hai or fir Kuch saal baad mujhe unhone Hostel me daal diya 2019 mein waha mujhe rehne sari chije smjhne me he lag gya or yanhi se # meri zindagi ki surwad # hui jesa ki aap sab jante hain ki me ek sarkari school se padhi hun matlab ki mere school me kuch bhi padhai nhi hota tha waha ke baccho ko kuch bhi nhi aata tha mujhe thoda bohot aata tha kyuki meri masi ne mujhe thoda bohot sikhaya tha me kitabe read kar leti thi bas utna he uske alawa to kuch bhi nhi aata tha isliye mujhe ye new school me bohot se problem ko face Krna pada hai kyuki kanhi na kanhi me khud ko sabse bewakoof manti thi me sochti thi ki me he sabse kharab student hoon par jab me sab kuch samjhne lagi waha ka mahol dekhi mujhe to waha adjust krne me he pura saal lag gya hostel me akele bina kisi ristedar ke bina apne ghar ke apne mata pita ki jisse aap close hain un sabko chor kar dur or aap sabko pata hai sabse kharab to ye lagta tha ki sabke perents apne apne baccho se milne aate the or me akele jab un sabko dekhti thi na to me andr he andr bohot roti thi bohot aap soch bhi nahi sakte ki jab sabke parents unke baccho se baat krne ke liye call krte hain or aapke nhi to apar kya beet ta hai me sabse chup kar kona me jakar roti thi taki kisiko pata na chale ki me ro rahi hoon jab chutti hota tha kuch din ka hostel to sare bacche apne apne ghar jate the or chutti khatam ho jane se sab wapas se hostel aa jate the lekin jab me phone karti thi or kehti thi ki school chutti h itne dino ke liye mujhe Ghar ke jaiye to udhar se reply aata tha abhi kya krne aaogi 1 hafta ka hi to chutti h reh nhi logi hostel me hostel band ho raha hai kya? Me thoda chup ho kar kehti thi ki nhi hostel to band nhi ho raha lekin sare bacche Ghar ja chuke hain me akeli hoon pura hostel me papa please mujhe bhi le jaiye na to papa kehte the time nhi hai abhi to bohot kaam hai busy chal Raha hoon thik hai dekhta hoon kal tak kya ho pata hai me bolti hoon thik hai papa or khush ho jati hoon ki finally ab me bhi Ghar jaungi but fir agle he din me jab call krti hoon papa ko to papa kehte Hain are sorry me to bhul he gya tha kaam ke chakkar me nahi reh paogi kya hostel me koi dikkat hai kya waha me bas andr se Tut gyi ye sunte he fir me aankho me aansu lete mene awaj ko normal banate huye kaha nhi koi dikkat nahi hai papa thik hai koi baat nahi me reh lungi aap apna kaam khatam kijiye or phone cut jata hai.or main roti Hui akele bade se hostel me rehti hoon dar dar kar fir kya chutti khatam hui exam start hua fir khtm hua or garmi chutti bhi ho gyi fir to lene aana he pada kyunki hostel jo band hota sabhi ko Ghar Jana jo tha fise mere sare dost apne apne ghar gye sabke mummy papa lene jo aaye the unhe ghar le Jane ke liye sab bade khush ho kar apna pecking karne lag gaye me bhi bohot Khush ho kar apna bag peck karne lag gyi ko aaj ja Raha to koi kal mera number bhi dhire dhire aa he gya mere papa mujhe lene aaye the or fir kya me khusi khusi ghar chali gyi.