Title: Pahli Najar Wala Pyar!
Chapter 1: Us Ek Nazar Mein!
Mujhe late ho raha tha.
Hamesha ki tarah.
Bus Stand par bheed thi, announcements chal rahi thi, aur main apne bag ko tight pakde hue bus ki taraf bhag rahi thi. Dimaag mein sirf ek hi thought tha—Bus miss nahi honi chahiye.
Aur tab…
main usse takra gayi.
"Sorry"
(mere muh se almost automatically nikla.)
Jaise hi maine upar dekha,
mere kadam wahi jam gaye.
Woh saamne khada tha—thoda confused sa, phone haath mein, aur aankhon mein kuch aisa… jo maine pehle kabhi mehsoos nahi kiya tha.
Uski nazar seedha meri aankhon mein thi. Na uncomfortable, na creepy—bas real.
Sirf kuch seconds ke liye hi sahi,
par us pal mujhe laga jaise poori duniya ruk gayi ho.
bus stand ka shor, logon ki awaaz, announcements—sab background noise ban gaye.
Uski aankhon mein ek simplicity thi.
Jaise woh bhi mujh hi ki tarah kahin kho gaya ho.
Mujhe apni heartbeat sunayi de rahi thi.
Itni tez… jaise koi raaz pakda gaya ho.
Maine jaldi se ek halki si smile di—shayad apni nervousness chhupaane ke liye—
aur wahan se nikal gayi.
Par main jaanti thi…
main peeche mudkar dekhna chaah rahi thi.
Bus mein chadhte waqt bhi,
mera dimaag wahi atka hua tha.
"Kaun tha woh?"
"Phir kabhi milega?"
Main khud par hansi—kitni filmy ho rahi ho tum.
Window ke paas Baithkar bahar dekhne lagi,
par reflection mein mujhe apni aankhein dikhi—
thodi confused, thodi curious…
aur thodi si khush.
Agle stop par mujhe utarna tha.
Bus ruki, main neeche utri.
Darwaza band ho gaya.
Maine peeche mudkar nahi dekha.
Shayad isliye nahi ki woh important nahi tha,
balki isliye ki piche mudkar dekhne par who ladka nahi dikhega
Aur kuch cheezein
sirf dil mein reh jaayein,
toh zyada khoobsurat hota hain.
Us din mujhe samajh aaya—
pyaar hamesha plan karke nahi hota.
Kabhi-kabhi
bas ek nazar kaafi hoti hai kisi ko yaad ban jaane ke liye.
2nd Chapter is Coming Soon!!!