Pichle bhaag me maine beeti hui yaado ko sametne ki koshish ki or ab mai apni zindagi ke unhi kathor yaado ko ek baar fir se dohrana chahti hu .
Maine us baat ko jaane Diya or aage ka soch kar apna kaam jaari rakha . Lekin din hamesha ek jaise nahi rahte . Ek din andhere me mai gaon se banswada ki or akele Jaa Rahi thi or maine raste me kuch awaaj suni . Maine socha koi log hai ya fir chor hone ka khayaal aaya to mai wahi andhere me chup gayi maine dekha kuch safed si cheej jaise koi baadal ka tukda chal raha ho or wo seedha seedha raste par chalta jaa raha tha . Maine dheere se aage badh kar dekha to ab ek safed bakri thi jo chal rahi thi jaise usko pata hi kha jaana hai. Bas seedhi bina agal bagal jhaakte hue chalti rahi or kuch dur Jaa kar achaanak gaayab ho gyi . Mai apni aakho par vishwas nahi kar paa rahi thi . Ek baar ko ye sab aankho ka dhokha laga . Ya koi sapna jaise khuli aakho se dekha hua jhuth ho . Mai kuch pal ruki maine bhagwan ko yaad kiya or dheere dheere aage badhi . Ye sab baatein tab shuru hi hui thi or mujhe Boht samay lag in sab cheejo ko samajh paane me ki aakhir maine jo dekha uska koi matlab bhi hai ya nahi . Ab bhi baatein yahi nahi ruki baat badhti gayi or tab tak aisa hota hi Raha jab tak mai zinda rahi . Mere zindagi aage badhti rahi or Mera Darr bhi badhta gaya . Ab dheere dheere ye cheejein jinka koi astitva hai bhi ya nahi pata nahi , badhti jaa rahi thi ab kabhi gaon jaate hue ya gaon se aate hue koi mere peeche peeche aata tha . Koi peeche se awaajein lagata , koi kabhi mere aage se kisi safed dhuwein sa ya kabhi koi kaale badal sa gujarta hua dikhta . Darr lagta tha par meri sunne wala koi nahi tha . Mujhe samajhne wala koi nahi tha . Bas mai itna kar sakti thi ki maine man banaya ki haar nahi sakti. Or ishwar par vishwas banaye rakha . Wo jo bhi tha mujhe kabhi nuksaan nahi pahucha saka . Halanki maine kuch baar gusse me usey chillakar puchne ki koshish bhi ki ki mere peeche kyu pade ho , kon ho tum, par jawaab ki ummeed bhi kise thi ! Or kya hota kabhi jawaab mila hota to . Maan liya tha maine ki ab meri ladaai insaano ke saath saath in preton se bhi hai jo shaayad meri zindagi beetne tak mera sath nahi chordne wale, or kise pata hai marne ke baad aatma ka kya hota hoga . Ye sab chalte chalte mai apni manzil ke or kareeb aati jaa rahi thi . Mere ghar jis par maine apni zindagi daav par lagayi thi uska kaam jaari tha or mai ab bhi har koshish kar rahi thi . Wha dusri or bachhe school me padhne wale the . Or mere pati ki chitthi aati thi -"mai yaha theek hu , abhi halaat kuch theek hotey dikh rahe hai par kuch kahna mushkil hai ki aage kab tak sahi chalenge" . Or mai apne or bachhono ka khayaal rakhu bas itna hi . Mai padhna jaanti thi thoda Boht par likhna nahi . Kabhi mai jawaab nahi de payi . Na bata paayi ki mujhe unki kitni jarurat hai ...