Ek baar do dost, Biltu Aur Bikram, Ek ghane jungle se guzar Rahe the. Dono bachpan ke yaar the aur hamesha kehte the ki chahe kuch bhi ho jaye, wo-ek dusre ka saath kabhi nahi chhodenge.
Dar Aur Faisla
Dopehar ka waqt tha, tabhi achanak unhe jharion me halchal mehsoos hui. Isse pehle ki wo samajh paate, ek Bada sa bhalu (Bear) unke saamne aa gaya.
Dar ke maare biltu turant ek paas Wale ped par Chad Gaya. Usne ek bar bhi nahi socha ki Bikram ko ped par chhadna nahi aata.
Bikram ne neche se awaaz lagayi," bhai meri madad kar!" Lekin Biltu dar ke maare uper dubak kar baith gaya. Bikram ne mehsoos kiya ki ab wo khudke dam par hai. Usne kahin suna tha ki bhalu mare hue insaan ko nuksan nahi pahunchate.
Bikram Ki samajhdaari
Bikram Turant zameen par let gaya aur apni saasn rok li. Bhalu uske paas aaya, uske kaan ke paas sungha, aur thodi der baad use mara hue samajh kar wahan se chala gaya.
Seekh
Jab khatra tal gaya, Biltu Ped se niche utra aur haste hue pucha," yaar Bikram, bhalu tere kaan mein kya keh Raha tha?"
Bikram Ne dhool jhadi aur kaha ," bhalu ne mujhse kaha ki aise dost se hamesha door rehna Jo mushibat ke waqt tumhe akela chhod kar bhaag Jaye."