kabhi apno mein rahti hai, kabhi sapno mein kho jaati hai.
Bachpan mein wo apne ghar ki pari hoti hai—hasti, khelti, bina kisi fikr ke jeeti hai. Uske sapne chhote-chhote hote hain, par unmein khushi bahut badi hoti hai.
Phir dheere-dheere wo badi hoti hai. Samajh usse badalne lagta hai—"aisa karo", "waisa mat karo". Uski muskaan ab bhi hoti hai, par uske peeche thodi si chinta bhi chhupi hoti hai. Wo sabko khush rakhna seekh leti hai, par kabhi-kabhi khud ke liye jeena bhool jaati hai.
Shaadi ke baad uski zindagi ek nayi mod par aa jaati hai. Naya ghar, naye log, naye rishte… Sab kuch naya hota hai. Wo fir se khud ko samet kar sab mein dhalne ki koshish karti hai. Kabhi use apna ghar yaad aata hai, kabhi apne sapne.
Par ek baat hamesha same rehti hai—wo ladki kabhi toot kar bhi bikhar nahi jaati. Wo har baar khud ko jod leti hai. Apne aansuon ko chhupa kar dusron ke chehre par muskaan la deti hai.
Zindagi ek ladki ki asaan nahi hoti janab,
par wo phir bhi jeeti hai, ladti hai, aur har haal mein muskurati rehti hai.