Ruhaani apne room ki window ke paas khadi thi...
Bahar sab kuch normal tha - log apni life mein busy, traffic ki awaaz, aur roz ki tarah ek aur din.
Lekin uske ander... sab kuch normal nahi tha.
"sab kuch hote hue bhi... itna empty kyun feel ho raha hai?" usne dheere se khud se kaha.
Uski life dekhne me perfect thi. Acchi family, studies theek, friends bhi the. Social media par bhe uski smile bilkul perfect lagti thi.
Par sach? woh smile sirf ek mask thi.
-------------------------------------------------------------------------------------------------------------------------------------------------------Ajj college mein bhi woh pura time lost si thi. Teacher kuch samjha rahe the, par uska dhyaan kahi aur hi tha.
"Ruhaani, are you listening?" teacher ki awaaz ne use reality me vapes la diya.
"Yes ma'am..." usne jldi se jawab diya, par usse khud nahi pata tha ki pucha kya gaya tha.
Uski friend chetna ne halki si smile ke saath poocha, "Tu theek hai na? Aaj kal bahut chup rehti hai."
Ruhaani bas muskura di, "Haan... bas thodi tired hoon."
Par woh jhoot tha.
------------------------------------------------------------------------------------------------------------------------------------------------------
Sham ako ghar aake bhe usse sukkon nahi mila. Phone scroll karte karte uska mind aur zyada heavy ho raha tha.
Comparison... Overthinking... Confusion... Jaise dimag kabhi rukta hi nahi.
"Bas karo..." usne phone side mein rakh diya.
Room mein ek ajeeb si khamoshi thi. Aur us khamoshi mein uske thoughts aur loud ho gaye.
"Main kaun hoon...?" Yeh sawaal achanak uske mind mein aaya.
Woh khud hi thodi si hassi , "Yeh kya ajeeb sawaal hai..."
Par phir bhi ... usse laga jaise is sawaal ke peeche kuch hai. kuch jo woh samajh nahi pa rahi.
------------------------------------------------------------------------------------------------------------------------------------------------------- Agli subah, jab woh college ja rahi thi, tab uski nazar ek chotti si building par padi.
Board par likha tha : "Brahma Kumaris Rajyog Meditation Center"
Woh thodi der ke liye ruk gayi.
"Yeh kya hota hai...?" usne socha.
Andar se halki si music ki awaaz aa rahi thi... Ek alag hi shanti thi wahan.
Uska mann bola - "Ek baar dekh ke aao..." Par dimaag ne turant mana kar diya - "Time waste mat kar".
Woh wahan se chali gayi... Lekin uska dhyaan baar-baar us board par hi ja raha tha.
------------------------------------------------------------------------------------------------------------------------------------------------------- Raat ko sone se pehle bhi, uske mind mein wahi jagah aa rahi thi.
"Brahma kumaris..." Usne dheere se naam repeat kiya.
Pata nahi kyun... Par usse laga jaise uske sawaalon ke answers shayad wahan mil sakte hain.
-------------------------------------------------------------------------------------------------------------------------------------------------------Us raat, bahut time baad... Ruhaani ne ek decision liya.
"Kal... main wahan jaungi".
Usse nahi pata tha ki yeh ek chotta sa decision...
Uski poori zindagi badal dega.