Chapter 1
"Wo kaafi der se khamosh baithi thi…
jaise kuch soch rahi ho, ya shayad decide kar rahi ho ki kaha se shuru kare.
Uske saamne ek khali page tha…
aur uske dimaag me shayad hazaaron baatein.
Shayad wo apni story likhna chahti thi…
par usse samajh nahi aa raha tha ki shuruaat kaha se kare.
Kuch der chup rehne ke baad,
usne dheere se likhna shuru kiya —
'Sach kahun toh mujhe nahi pata main apni story kaha se start karun…
maine kabhi pehle kuch likha bhi nahi hai.
Ye meri pehli story hai…
aur shayad sabse sachhi bhi, kyunki ye meri hi life hai.
Shayad meri story kisi fairy tale jaisi nahi hai…
aur na hi main koi special person hoon.
Main bas ek normal school girl hoon…
jiski life thodi si alag hai.
Na meri family properly middle class hai…
aur na hi hum poor hain.
Kabhi kabhi mujhe samajh hi nahi aata…
ki hum exactly kis category me aate hain.
Jab main choti thi… tab meri duniya bahut simple thi.
Mujhe na paison ki tension samajh aati thi…
aur na hi life ki problems.
Meri duniya bas itni si thi —
thoda sa khelna, thoda sa hasna…
aur apne parents ke saath waqt bitana.
Hum teen siblings hain…
sabse pehle meri badi didi, phir mera bada bhai…
aur sabse last me main.
Ghar me sab mujhe sabse zyada pyaar karte the…
shayad isliye kyunki main sabse choti thi.
Us waqt main sab cheezon se anjaan thi…
mujhe kisi bhi baat ka koi ehsaas nahi tha.
Na hi apne parents ki muskaan ke peeche chhupe struggle ka…
aur na hi apni asli haalat ka.
"Main haqeeqat ki duniya se bilkul door thi…
"Us waqt meri duniya bahut chhoti thi…
aur shayad isi liye itni khoobsurat bhi.
Wo likhte-likhte ruk gayi…
jaise un yaadon ko mehsoos kar rahi ho.
Aur shayad…
ye bas uski kahani ki shuruaat thi."