"kya sach me ye tu hai, Siya..? aaj class ka pahle din aur tu pahle din hi late !"
Siya ne khud se bolte huye sheeshe ki taraf dekha aur halki si saans li thodi ghabrahat thi un saason me aur fir class ke liye chal padti hai ...use yaad tha ki class se kuch time pahle pahunchana hai ..par aaj wo fir bhi late ho gayi .
Chalte chalte wo khud se hi baate kar rahi hoti hai --
"Aaj ka din bhi kaisa hai kuch bhi time se nahi..."
Par wo ye bilkul bhi ni janti thi ki is class ke baad uski puri zindagi badalnewalihai. aaj uski mulakat ek aise insaan se hone wali hai jise wo kabhi soch bhi ni sakti thi ...wo insaan uski zindagi ka ek aham hissa ban jayega dheeredheere wo insaan uske liye sab kuch banne wala tha .
Siya class pahonchti hai uske ander ek dar hota hai,dil bahot tej se dhadak raha hota hai mano kuch aisa hone wala hai jiska pata use nahi tha... Siya darwaze par rukti hai uski tej dhadakane usse kuch kahna chahti hon jaise. Dheemi si aawaz me wo bolti hai --
" May I come in sir"?
"Good evening sir..."
Teacher ne uski taraf dekha aur seedha kaha siya ki nazre niche ho gayi -
"Yes. Come in "
Siya dheere se class ke ander aati hai... bina ye Jane ki ab uski zindagi ka sabse important chapter shuru hone wala hai ...is sabse anjaan siya bas baithne ki jagah dekhti hai itna teacher use dekhte hi bolte hai -
" Come here".
Siya thodi nervous ho jati hai teacher use seat pr na baithne ke bajaye seedha apne pass aane ko bolte hai .
Siya teacher ke pass pade stool pr baith jati hai uske baad uski nazar teacher ke pass baithe ladke pr padti hai.... White shirt, long hair ,hand me watch... Ek smile face pr jo bas usse kuch kahna chahti ho uski eyes siya ko dekhte huye... Lakin siya ye sab ignore karte huye bas kaam pr dhyan deti hai .
"Teacher: usse puchhte hai ki kis cheez me pareshani hai"?
Siya dheemi aawaz me bolti hai sir dikkat hi dikkat haihar ek cheez me.
"Teacher: uski taraf haste huye dekhte hai ".
Teacher ki hassi chhut jati hai saath me hi baitha wo ladka bhi uski taraf dekhkar smile kar raha hota hai...lakin siya ek baar fir use ignorkar deti hai.
Jab class bas khatam hi hone wali hoti hai to siya ki nazar usi anjaanladke par padti haijo apna kaam kar raha hota hai lakin wo shayad use dekhna bhi nahi bhulta hai ...Siya ko ye bilkul bhi ni pata tha ki wo kisi ko pasand aa chuki thi is sab se anjaan siya to bas padayi par dhyan deti hai .
Class ke pahle din hi siya ka Sunder chehra kisi ko bha gaya tha ..siya ki aankho ne kisi ko unki taraf baar baar dekhne ko majboor kar diya tha wo pahli mulakat us anjaan ladke ke liye zindagi ki sabse achi mulakat ban gayi thi ....wo man hi mankhud se baate kar raha hota hai -
"Ye kitni Sundar hai bas dekhta hi rahun uski aankho me ".
Aakhir class ke khatam hone ka wakt aa gaya tha.siya aaj pahle din ki class ke baare me sochti huyi ghar jane ki taiyaari me lagi hoti hai class se jate time bhi siya late ho jati hai .lakin wo anjaan ladka bas ye sochne melaga tha ki bas kuch time aur mil jata.
lakin siyabina kuch soche samjhe jane ki taiyaari me lagi hoti hai ...siya bahot jaldi me hoti hai bas usko ghar Jana tha ..diwar me lagi ghadi ko dekhti huyi siya man hi man sochti hai -
" Aate time to late thi lakin ab jate time late ni ho sakti tu siya ".
Lakin us anjaan ladke ki nazar siya par hi hoti hai ..siya ye sab ignore karte huye apni last attendance mark karti hai aur teacher ki taraf dekhti hai kahti hai -
"Good evening sir".
"Have a nice evening".
Teacher ne muskurate huye jawab diya.idhar udhar dekhe bina. Siya time ko dekhti hai aur chal padti hai .
Siya raste me aate wakt bas aaj ke baare me soch rahi hoti hai ki us ladkeko kya ho gaya tha bas mujhe hi dekhe ja raha tha baar baar ...pahli baar dekha tha lakin Aisa lag raha hai ki pata nahi kitne time se janti hun mai usko .
Aaj ki pahli class to achi thi lakin aage ka pata hi nahi ki kya hoga ye sochti huyi siya chalti chalti ghar tak aa jati hai .
" Heyy kanha ji sab sambhal Lena aap Aaj to nikal gayi class jaise taise lakin baki din aapko dekhna hai ".
Krishna jii ko ye bolti huyi siya ander chali jati hai .
Lakin siya ye nahi janti hai ki uski zindagi ab badal chuki hai puri tarah se ghar pr aa to gayi thi lakin wo us ladke ko shayad classme hi chhod kar nahi aayi thi .
Siya bas sare time use hi soch rahi thi, khate time, sote time, kaam karte time bas usi ki wo... smile, usi ki woaankhen bas maano abhi wo uske pass aa kar kuch bolengi ...un aankhon ko dekhkar siya ko bhi kuch kuch hone laga tha lakin siya is sab se anjaan thi
Siya ko sari raat neend nahi aati hai bas wo uske baare me hi sochti rahti hai.
Agle din fir class ka time ho gaya siya taiyaar hote hote sheeshe ko nihar rahi thi aaj uski dhadkan usse bhi tej chal rahi hoti hai jitna wo sochti hai bas use ek dar hota hai lakin ye dar kal wala nahi tha aaj ka dar alag tha jo shayad us ladke ke saamne aane se lag raha tha .
Lakin aaj class ke ander aate hi wo hua jo shayad nahi hona chahiye tha.siya ne wo dekh liya jisse ki wo khud ko rok nahi payi uske bare me aur jyada sochne se .
"Kabhi-kabhi Anjaan log bhi itne apne lagne lagte hai...
Jaise unse koi purana rishta ho".