"Ek aisa haadsa… jisne meri zindagi badal di."
Woh ek raat thi
Aasman me kaale badal chhaye hue the, aur tez baarish ho rahi thi. Sadke lagbhag khaali thi, sirf baarish ki boondein aur tez hawa ki awaaz sunai de rahi thi.
Main office se bahut late nikli thi. Aaj ka din kaafi thakane wala tha, lekin dil me ek ajeeb si khushi bhi thi… kyunki mujhe lag raha tha ki meri zindagi dheere dheere sahi raaste par aa rahi hai.…Maine apni chhoti si duniya ke liye bahut mehnat ki thi… apne maa-papa ke sapno ke liye, unki khushi ke liye.
Par shayad kismat ko kuch aur hi manzoor tha.
Main road cross karne hi wali thi ki achanak meri nazar ek tez roshni par padi…
Ek car… bahut tez speed me meri taraf aa rahi thi.
Sab kuch itna jaldi hua ki mujhe samajhne ka mauka hi nahi mila.
Mere haath se mera bag gir gaya… aur agle hi pal…
"Dhaddd…!!"
Ek zor ki takkar hui.
Mujhe laga jaise meri saanson ne ek pal ke liye chalna band kar diya ho.Jisne mere sapne, meri khushiyan, aur meri nayi shuru hui zindagi ko ek ajeeb sa mod de diya.
Sab kuch theek chal raha tha… par ek pal me sab kuch bikhar gaya.
Aur phir…Woh meri zindagi me aaya.
Ek aisa insaan…Jisne mere saare rishton ko mujhse cheen liya.
Mere maa-baap… mere dost… sab mujhse door ho gaye.
Aur main… bilkul akeli reh gayi.
Usne meri sirf ek galti ke liye… meri poori zindagi ko apni bandhan me baandh liya.
Par sach to ye hai…
Us galti me mera koi kasoor nahi tha.
Phir bhi… woh mujhe saza de raha hai.
Woh meri zindagi ko apne haathon me le chuka hai…Sirf isliye… taaki woh mujhe wahi dard de sake,Jiska zimmedaar woh mujhe maanta hai.
Main nahi jaanti meri kismat me kya likha hai…
Par itna zaroor jaanti hoon—
Agar ye meri zindagi ka imtihaan hai…
Toh main ise bhi poori himmat ke saath ladungi.