Yeh kahani hum sabki zindagi se kahin na kahin judi huyi hai. Is kahani ki shuruwat tab hoti hai jab monika 5th class pass karke 6th class me pahuchti hai aur uska school badla jata hai. Us school me monika ke liye school ke saath - saath teachers, buildings, classmates etc. sabhi kuch naya tha.
Monika jab pehle din apne naye school me gayi to bahut ghabrayi huyi thi uske man me kayi tarike ke sawal chal rahe the jaise vahan ke teachers kaise honge, classmates kaise honge, koi mujhe apna dost banayega ya nhi ., yahi sab sochte - sochte vah school pahuchi. School ko bahar se dekhkar usse school ki building bahut hi aachi lagi. Vah uss school ko nihare jaa rahi thi ki tabhi school ki prayer bell bajti hai aur vah school me jaldi se enter karti hai. Aur classroom me bag rakh kar jaldi se assembly me prayer ke liye pahuchti hai. School se jab vo ghar pahuchti hai to uski mummy usse pehla sawal yahi poochti hai ki "Beta, school me tumhara pehla din kaisa rha ".tab monika jawab me kehti hai " Theek tha maa".Phir uski maa pyaar se poochti hai "kitne dost banaye mere bacche ne aaj"par monika iske jawab me kuch na keh kar vahan se chali jati hai. Uski maa uski iss harkat par pareshan ho jati hai ki vo itna pareshan kyu hai akhir kaar school me kya hua hoga.