Us subah kuch alag tha…
hawa bhi jaise dheere chal rahi thi…
aur dil… bina wajah tez dhadak raha tha…
Jaise zindagi aaj usse koi bada faisla karwane wali ho.
Usse abhi tak pata nahi tha…
ki aaj ka din uske sapno aur uski zindagi ke beech sabse bada imtihaan banne wala hai
Subah hone se pehle hi uski aankh khul gayi thi.
Aasmaan abhi bhi andhera tha, lekin uske mann me ajeeb si bechaini thi.
Wo chhat par jaakar khadi ho gayi.
Thandi hawa uske chehre ko chhoo rahi thi, lekin uska dhyaan kahin aur tha.
Wo aasman ko dekh rahi thi…
jaise apne sapno ko waha dhoond rahi ho.
Wo ek chhote gaon ki ladki thi, ek kisan ki beti.
Uski zindagi kheton aur ghar ke kaam tak seemit honi chahiye thi… kam se kam log to yahi sochte the.
Lekin uske sapne alag the.
Wo kuch banna chahti thi.
Wo apni pehchaan banana chahti thi.
Neeche se awaaz aayi, "Beta, uth gayi kya?"
Wo turant neeche aayi.
Usne apne pita ko dekha, jo kheton ke liye tayari kar rahe the.
Unke chehre par thakan thi, lekin aankhon me umeed bhi thi.
"Papa…" usne dheere se kaha,
agar koi bahut bada sapna dekhe to kya wo galat hota hai?"
Unhone uski taraf dekha aur halka sa muskura diye.
"Galat nahi hota beta," unhone kaha,
"lekin sapne jitne bade hote hain, unhe poora karna utna hi mushkil hota hai."
Ye baat uske dil me utar gayi.
Thodi der baad wo paani lene gaon ke kuaan par gayi.
Waha kuch log baat kar rahe the.
"Ladki ho… itne bade sapne theek nahi hote…"
"Kal ko shaadi ho jayegi, sab bhool jayegi
Wo chup-chaap sab sun rahi thi.
Uske dil me dard hua…
lekin usne kuch nahi kaha.
Ghar wapas aakar usne apni maa se pucha,
"Maa, agar main apne sapno ke peeche jaun to kya aap mera saath dengi?"
Maa ne uski taraf dekha aur kaha,
"Beta, maa hamesha saath hoti hai… lekin duniya itni aasaan nahi hoti."
Ab wo samajh chuki thi.
Use akela hi ladna hoga.
Din bhar wo kaam karti rahi, lekin uska mann kahi aur tha.
Shaam ko wo fir se chhat par gayi.
Suraj dhal raha tha aur aasman laal ho chuka tha.
Usne apni aankhen band ki…
aur apne sapno ko yaad kiya.
Phir dheere se apni mutthi kas li.
Main darr kar nahi jee sakti…"
"Main apne sapne nahi chhodungi…"
Uski aankhon me ab darr nahi tha…
sirf ek jazba tha.
"Chahe kuch bhi ho jaye… main apne sapne poore karungi."
Us pal ek simple si ladki ne apni zindagi ka sabse bada faisla liya.
Usse nahi pata tha ki aage kya hoga…
lekin ab wo rukne wali nahi thi.
Lekin use bilkul andaza nahi tha…
ki uska agla kadam usse ek aisi sachchai ke saamne laane wala hai
jahan se wapas aana mumkin nahi hoga…
Main haar nahi manungi…" usne dheere se kaha…
Par kya sach me wo lad paayegi?
Next chapter me dekhiye…
Agar aapko story pasand aa rahi hai to vote kare aur next chapter ke liye follow zaroor kare.
Ek vote mere ko motivation karega