Aaj school ka pehla din tha mai school ki dress pahne sheeshe me khudko soch me pdti hui dkh rhi thi,ek ladki jo ki apne bachpan me bhut shant aur introvert type ki thi aaj wo apne ghr se 15 km duur ke school me ja rhi thi.Sayad mann me ek Darr sa tha ki mujhe kahi bacche tease toh nahi karenge ,mujhpe hasenge toh nahi ,mera majak toh nhi udayenge qki mai ek chote se school se ek bade school me ja rahi thi. Bass yahi lagta tha ki bade school ke baccho ke thoughts mujhse alag honge toh wo mujhe chidhaenge toh nahi...ye sab sochte sochte mere school ka samay ho gaya aur mai school ke liye nikal gai.
Bus stop pe pahuchne ke baad kuch dusre bacche bhi the jo mujhe dekh rahe the Aisa lag raha tha jaise mai unk tarah ki nahi hu mai unse alag hu....maina apna siir niche kar liya.
Bus aati h aur maine jaise bus pe apna paer rakha saare bacche mere taraf dekh rahe the,koi seat se jump kar ke dekh raha tha toh koi hass rha tha jaise me bahut acchi nahi hu dkhne me...kuch der sochi aur phir mujhe kisi tarah se seat mili.
School pahuchte hi saare bacche utarne lge aur mai joki soch rahi thi ki Mai kaha jaungi kisse baat karungi.Anyhow class mila mujhe ,phir mai prayer k liye aai,saare Sundar Sundar bacche jo ki bhut acche se baat kar rahe the ek dusre se ,mujhse koi baat nahi kar rha tha...mai sahem rahi thi pata nahi kyu par sab hass rahe the mujhpe Aisa lag raha tha jaise ki mai un sab ke jaisi khubsoorat ni huun...
Aankhon me aasu liye idhr udhar ghum rahi thi...Aisa lag rha tha ki yaar mujhme Kya kami hai..mere se sare log thora duur hi reh rahe the...Maine socha koi baat nahi mai bhi acchi banungi ye sochte hue apna kaam karti.
Agle dinn meri ek dost bani ,wo bahot Sundar thi aisa laga jaise wo sabse acchi dost ho meri .....par smay beetta gaya aur wo mujhe pasand nahi krne lagi .Wo thori sharp minded thi aur mai ...mai bilkul beakal .Aisa lagta tha jaise usse khush rakhne k liye mai kuch bhi kar skti hu aur mai sab se ladti bhi thi ,par usk liye mai bs ek aisi dost thi jisse kaam banwana rahe,par mai phir bhi khush thi ki akhir meri koi dost toh hai na.
Time passes aur mai ab thora thora khulne lgi thi ,darti bhi thi,thora hasti bhi thi,bss thoda darti thi.
Agle din mujhe ek ladka dikha jo mujhe bss dkhta hi rehta tha...jab usk taraf mudti wo jarur dekhta rehta tha ,mai thoda dar jati thi ,par mud mudd kr dkhti ki wo mujhe dekh rha hai par kuch bolti nahi hai.Samay beetta gaya aur usne mujhe