Rohit ek chhote se gaon ka ladka tha. Papa kheti karte the aur maa ghar-ghar ka kaam. Paisa kabhi kaafi nahi hota tha, lekin sapne hamesha bade the. Rohit ko padhai ka shauk tha, par 10th ke baad school chhodne ka pressure aa gaya.
Ek din maa ne kaha,
"Beta, padhai chhad de, ghar di zimmedari sambhal le."
Rohit chup raha, par us raat uski aankhon se neend gayab thi. Usne socha, "Agar aaj haar maan li, to poori zindagi majdoori hi likhi hogi."
Subah uthkar wo school gaya aur principal se mila. Scholarship ke liye apply kiya, raat ko tuition padhata aur din me college. Thakaan hoti thi, par himmat nahi tootti thi.
4 saal baad wahi Rohit, jo kabhi fees ke liye roya karta tha, aaj ek achhi company me job kar raha tha. Pehli salary maa ke haath me rakhte hue usne sirf itna kaha:
"Maa, yeh meri nahi, aapki jeet hai."
Maa ki aankhon me aansu the, par chehre par fakr 💙