الأمانة:
الأمانة شعور داخلي وقيمة أساسية في حياة الإنسان. الشخص الأمين بيكون صادق في كل أقواله وأفعاله، وبيحافظ على حقوق الآخرين ويقدر التزامات نفسه. الأمانة مش بس صفقة اجتماعية، ده كمان انعكاس للشخصية والنضج الداخلي، وبتعكس احترام الإنسان لنفسه وللآخرين.
الأمانة مش بس إنك ترد حاجة مش بتاعتك،
الأمانة أكبر من كده بكتير،
الإنسان الأمين بيكون محل ثقة،
الناس ترتاح له من أول مرة،
لأن ملامحه صافية، وكلامه صادق، وتصرفاته واضحة.
الأمانة مش محتاجة شهادات ولا ألقاب،
هي اللي بتخلي الإنسان محترم في نظر نفسه قبل ما يكون محترم في نظر الناس.
الأمانة مش بس في الفلوس أو الحاجات الملموسة،
فيه أمانة في الكلام،
لما حد يحكيلك سر، متطلعوش،
ولما توعد حد، توفي بوعدك.
وفيه أمانة في الشغل،
لما تشتغل بإخلاص حتى لو محدش بيراقبك،
لما تحافظ على وقتك وشغلك كأنه أمانة عندك
وفيه كمان أمانة في العلاقات،
لما تكون صادق مع اللي بتحبهم،اخواتك. اهلك اصحابك
ما تخدعهمش ولا تكدب عليهم،
ولما تكون واضح حتى لو الحقيقة وهتوجعك ح
اللي بيحافظ على الأمانة، ربنا بيكرمه دايمًا
لأن الأمانة رزق،
ربنا يرزق بيها اللي قلبه نضيف وضميره صاحي.
واللي بيضيع الأمانة،
يمكن يكسب لحظة، بس بيخسر نفسه بعدين،
بيعيش خايف، متوتر،
لأن اللي بيكدب أو بيخون عمره ما بيحس بالراحة.
الأمانة مش بس بينك وبين الناس،
دي كمان بينك وبين ربنا،
لما تصلي صح، لما ما تظلمش حد،
لما تعمل الخير في السر،
ده كله أمانة بينك وبين خالقك.
الأمانة مش دايمًا سهلة، خصوصًا في مواقف فيها ضغط أو مغريات. لكن الشخص الأمين بوعي بيختار الطريق الصحيح مهما كانت المغريات، وده بيعكس قوة شخصيته واستقامته. الأمانة كمان مرتبطة بالمسؤولية، لأنها بتخلي الإنسان يتحمل نتائج أفعاله ويحافظ على حقوق الآخرين. الأمانة مش بس في الفلوس الامانة في الحب والخير والعطاء والصلاة
وفي النهاية
الأمانة مش شعار نعلقه،
هي مبدأ نعيشه كل يوم،
هي اللي بتحافظ على المجتمع
وعلى القلوب الصافية
لأن من غير أمانة، الدنيا كلها تقع.