Title: THE ROLE BREAKER
Chapter 1: The Bet of Science and Soul
The Ambition
Dilli ki bhari dopahar mein Ketero apne kamre mein poori tarah khoya hua tha. Uska kamra kisi kabaadi ki dukaan se kam nahi lag raha tha—har taraf wires, electronic parts aur physics ki kitabein bikhri padi thin. Wo ek aisa ladka tha jise sirf science aur technology par bharosa tha; bhoot-pret ya jaadu-tona uske liye sirf purane zamane ki fizool baatein thin.
Wo thaka-hara apni mom ke paas gaya aur bola, "Mom! Aaj maine bahut mehnat ki hai. Mujhe kal ek naya experiment shuru karna hai, toh please mujhe achhe se sone dena aur disturb mat karna."
Uski mom ne muskura kar haan keh diya. Ketero ne sote waqt dimaag mein ek hi baat rakhi—"In bhoot-pret jaisi cheezon par kaun bevkuf yakeen karta hoga? Iska koi logical base hi nahi hai." Tabhi uske phone par doston ka message aata hai ki wo ek haunted jagah jaane ka plan bana rahe hain. Ketero ne turant mana kar diya, "Main aisi jagah nahi jaunga, mujhe apna rocket project poora karna hai."
Agle din, Ketero ne poori jaan laga kar ek Rocket taiyar kiya. Usne use launch kiya, sapna tha space tak pahunchne ka, lekin kismat ne sath nahi diya. Rocket thodi door upar gaya aur beech raste mein hi bhayanak dhamake ke saath Blast ho gaya. Ketero poori tarah toot gaya aur demotivate ho gaya.
The College Clash & The Secret Message
Agla scene college ka hai. Ketero wahan ek "Bhondoo" jaisa ladka tha—chup-chaap aur akela rehne wala. Library mein wo baitha hua tha, tabhi wahan dusri class ki ek ladki Diya aayi. Diya ka breakup hua tha, isliye uska mood ekdum kharab tha. Ketero ne usse baat karne ki koshish ki, par Diya ne apna poora gussa us par nikaal diya. Tabhi Ketero ki nazar Diya ke haath mein pakdi ek "Mantron ki Kitab" par padti hai aur wo apni hansi nahi rok paata.
Diya ko kaafi zyada gussa aa jata hai aur wo bolti hai, "Teri himmat kaise hui meri cheezon par hasne ki? Mujhe in par poora yakeen hai! Aur tu bhi toh kuch maanta hai? Kya tune kabhi aisi cheezein dekhi hain jo tu bolta rehta hai?"
Ketero bolta hai, "Haan! Aliens aur technology hoti hai. Main unhe dhundne ke liye space mein jaana chahta hoon, lekin main tumhari in bevkufi bhari cheezon par believe nahi karta. Jaadu jaisi koi cheez nahi hoti!"
Dono ke beech ladai ho rahi hoti hai, tabhi achanak Ketero ka phone gir jata hai. Phone ki screen par uske dost ka WhatsApp
message khula hota hai, jahan aaj raat "Haunted House" aane ki baat likhi thi. Ketero ne turant phone utha kar message band kar diya, par Diya ne wo dekh liya tha.
Diya ke dimaag mein ek idea aaya aur wo muskura kar boli, "Acha... toh ek idea aaya hai mujhe. Kyon na hum ek shart lagayein? Agar tum wahan gaye aur tum haare, toh tum meri har baat manoge. Aur agar main haari, toh main tumhari baat manungi."
Ketero ne muh banaya aur bola, "Nahi, mujhe aise faltu kaamon mein apna time waste nahi karna hai."
Diya ne use chhedte hue kaha, "Arey! Tum toh darte ho na? Tumhari toh pehle hi fatt rahi hai!"
Ketero gusse mein bola, "Mujhe in cheezon mein believe hi nahi hai aur ye hoti bhi nahi hain! Isliye mujhe bilkul darr nahi lagta!" Isi garma-garmi mein unki Shart (Bet) lag jati hai.
The Haunted Night & Metal Men
Raat ko jab wo Haunted House ja rahe hote hain, toh dono ko thoda darr lag raha tha, par wo andar chale jaate hain. Andar jaate hi unhe asliyat mein bhoot-pret dikhna shuru ho jaate hain. Wo ghar sach mein ek asli Haunted House tha jahan Organ Man naam ki aatma rehti thi jo insanon ke organs maar kar kha jati thi.
Achanak, wo aatma Ketero ko pakad leti hai aur uske sharir ke andar ghus jati hai. Usi waqt wahan ajeeb se aliens aana chalu ho jaate hain, jinhe Metal Man bola jata hai.
Unhone unhe pakad liya aur bole, "Humein tumhara Sperm chahiye, humein insanon par experiment karna pasand hai!"
Diya chillati hai, "In logo ko yahan aane ke liye kisne bola?" Ketero ko tabhi yaad aata hai, "Mujhe ab yaad aaya! Maine book mein padha tha ki ye jagah 1987 mein ek Space Station hua karti thi! Yahan se scientists aliens ko signal bheja karte thay. Mujhe bhi unse milna tha, par aise milunga ye nahi socha tha!"
Diya bolti hai, "Bevkuf ladke! Wo humein maarna chahte hain aur tum milne ki soch rahe ho? Humari naseeb hi kharab hai ki bhoot aur alien dono ek saath aa gaye!"
The Battle and The End
Usi waqt Diya ke andar ki Psychic Power jaag jati hai. Use dadi ki baatein yaad aati hain aur wo atmaon ko dekhne aur unse baat karne lagti hai. Wo apni mantron ki power se energy banakar unhe hit karne lagti hai aur nasht karne lagti hai.
Dono ke beech ek bahut powerful ladai hoti hai. Wo unhe hara kar kisi tarah ghar se bahar nikal aate hain. Bahar aate waqt unke kapde poori tarah phat chuke thay. Jab Ketero use dekhta hai, toh Diya chillati hai, "Yahan mat dekho!" aur uske ek zordaar thappad jad deti hai. "Badtameez insan!"
Ketero bolta hai, "Main toh keval tumhari chot dekh raha tha, tum galat samajh rahi ho." Wo apna coat utaar kar use deta hai aur bolta hai, "Sorry, agar hum ye shart nahi lagate toh shayad ye nahi hota."
Diya shant hokar bolti hai, "Meri bhi galti hai, shart hum dono ki wajah se thi." Dono wahan se nikalne lagte hain aur yahan ye chapter end hota hai.
[End of Chapter 1]